Bakı. Trend:
Aprelin 17-də Erasmus+ KA1 müdbadilə proqramı çərçivəsində Azərbaycan Dövlət Pedaqoji Universitetində (ADPU) Danimarkanın Kopenhagen Universitet Kollecinin (KUK) müəllimləri Lise Halkier və Lotte Klint ilə ADPU-nun Məktəbəqədər fakültəsinin dekanı dosent Nailə Hüseynova və fakültənin müəllimləri, Beynəlxalq əlaqələr şöbəsinin baş mütəxəssisi Nurəngiz Mahmudova və mütəxəssisi Taisa Mamedova arasında görüş keçirilib.
Görüşün məqsədi ADPU-nun Məktəbəqədər təhsil fakültəsinin fəaliyyəti ilə tanış olmaq və bu fakültədə tədris olunan ixtisaslar üzrə əməkdaşlığın genişləndirilməsi barədə müzakirələr aparmaqdır.
Qeyd edək ki, danimarkalı nümayəndələr həftə ərzində ADPU-nun qonağı olacaqlar və səfər çərçivəsində universitetin müəllim və tələbə heyəti ilə görüşəcək, təlimlər keçirəcək, məktəbəqədər, ibtidai və xüsusi təhsil müəssisələrinə baş çəkəcəklər.