Ağdam. Trend:
Ağdamın işğaldan azad olunan ərazisində kütləvi məzarlıq aşkarlanıb.
Trend xəbər verir ki, məzarlıq Ağdamın işğaldan azad olunan Sarıcalı kəndi ərazisində tapılıb.
İlkin araşdırmalara görə meyit qalıqları 4 nəfərə məxsusdur.
Ehtimal edilir ki, onlar 1993-cü ildə ermənilər tərəfindən öldürülərək heç bir dini ayinə əməl edilmədən bu ünvanda basdırılıb. Bu kütləvi məzarlıq sayca işğaldan azad edilmiş ərazilərdə aşkarlanmış 8-ci kütləvi məzarlıqdır.
Bu, Ermənistan silahlı qüvvələrinin Azərbaycana qarşı törətdiyi növbəti müharibə cinayəti faktıdır.
