Bakı. Trend:
Bakı şəhər Baş Səhiyyə İdarəsinin tabeliyində yaradılmış xüsusi ambulator tibb məntəqələrində yeni növ koronavirus (COVID-19) infeksiyasına yoluxmuş xəstələrə ambulator-poliklinik yardım göstərən tibb işçilərinin əməkhaqlarına müddətli əlavənin verilməsi müddəti uzadılıb.
Trend xəbər verir ki, Baş nazir Əli Əsədov bununla bağlı müvafiq qərar imzalayıb.
Sənədə əsasən, bu dəyişiklik COVID-19 pandemiyası dövründə xəstələrə ambulator-poliklinik yardım göstərən tibb işçilərinə verilən əlavə əməkhaqqı ödənişlərinin müddətini 3 ay artırır.
Əvvəlki qərara əsasən, bu əlavə ödənişlər 2025-ci ilin oktyabrın 1-dək nəzərdə tutulmuşdu. Yeni qərarla bu müddət 2026-cı ilin yanvarın 1-dək uzadılır.