Bakı. Trend:
Əqli mülkiyyət xərc deyil, strateji aktivdir. Süni intellekt
inkişaf edəcək, bizim müştərək çağırışımız alqortimlərin arasında
insanlığı itirməməkdir.
Trend xəbər verir
ki, bunu ÜƏMT-nin Əqli Mülkiyyət və Qabaqcıl Texnologiyalar
departamentinin direktoru Ulrike Till bu gün Bakıda Əqli Mülkiyyət
Agentliyi və Ümumdünya Əqli Mülkiyyət Təşkilatı tərəfindən
keçirilən “Əqli mülkiyyət və süni intellekt” mövzusunda beynəlxalq
konfransda çıxışında bildirib.
Onun sözlərinə görə, Azərbaycanda da artıq dövlət xidmətləri, səhiyyə, elm və təhsil sahələrində süni intellekt reallığı yaranıb:
"Suni intelekt artıq Azərbaycanda tədqiqat laboratoriyalarının, çoxsaylı startapların gündəlik fəaliyyətinə daxil olub. Azərbaycandan olan inovatorları, tədqiqatçıları, dövlət qurumlarını bizim resurslardan istifadəyə, bizimlə əməkdaşlığa dəvət edirik. Süni intellektdən istifadə üçün əqli mülkiyyət imkanları genişlənməlidir. Süni intellekt əqli mülkiyyət qarşısında bir sıra suallar qoyur. Konfransda bu suallar ətrafında muzakirələr aparacağıq. Texnologiya ilə ayaqlaşan qlobal əqli mülkiyyət sistemi təşkil edə bilmək bizim əsas məqsədimizdir. İnovator və müəlliflər bundan faydalana bilməlidirlər".