Bakı. Trend:
Uşaqların rəqəmsal məkanda hüquqlarının qorunması qlobal çağırışdır
Trend xəbər verir ki, bunu İran İslam Respublikasının nümayəndə heyyətinin rəhbəri Zəhra Pezeşkian bu gün Bakıda Ailə, Qadın və Uşaq Problemləri üzrə Dövlət Komitəsinin təşkilatçılığı ilə "Rəqəmsal mühitdə uşaqların müdafiəsi: Müasir alətlər və beynəlxalq əməkdaşlıq" mövzusunda keçirilən beynəlxalq konfransda bildirib.
Onun sözlərinə görə, uşaqların rəqəmsal məkanda hüquqlarının qorunması qlobal çağırışdır:
"Bu sahədə praktik təlimlər və qoruyucu vasitələrdən istifadə etmək mümkündür və beləliklə, valideynlərin uşaqların rəqəmsal mühitdə istifadəsinə nəzarət etməsinə şərait yaratmaq olar. Hüquqi baxımdan isə uşaq hüquqları haqqında konvensiyalara rəqəmsal hüquqlar barədə əlavə protokolları təklif edərdim".