Sentyabrın 9-10-da Bakıda İslam Konfransı təşkilatına üzv ölkələrin turizm nazirlikləri ekspertlərinin iclası keçiriləcək. Bu barədə Trend ə Azərbaycanın Mədəniyyət və Turizm Nazirliyindən məlumat verilib.
Ekspertlər İKT ölkələri turizm nazirlərinin sentyabrın 11-12-də Bakıda keçiriləcək konfransının proqramını və gündəliyini hazırlamalıdır.
Konfransın gündəliyinin və tədbirdə imzalanması nəzərdə tutulan sənədlərin layihələri artıq hazırlanma mərhələsindədir. Ekspertlər iki sənədin layihəsi üzərində işləyəcək: Bakı Konfransının qətnaməsi və bəyannaməsi. Konfransda əsas diqqətin təşkilat çərçivəsində turizm sahəsində əməkdaşlığın inkişafına yönəldiləcəyi gözlənilir. Üzv ölkələrə turizmin inkişafı layihələrini hazırlayaraq öz ölkələrinin turizm imkanlarını təqdim etmək təklif olunur.
"Konfransda iki sənədin imzalanması planlaşdırılır: Bakı Konfransının qətnaməsi və bəyannaməsi. Əsas sənəd qətnamə hesab olunur. Bəyannamə isə Azərbayan tərəfinin təşəbbüsü ilə qəbul olunacaq", - deyə nazirliyin şöbə müdiri bildirib.