"Xəzər" futbol klubu ölkə çempionatının yaxın turları ərəfəsində bir neçə aparıcı oyunçusundan məhrum olub.
Trend in xəbər verdiyi kimi, "MKT-Araz" klubuna qarşı qələbə oyununda komandanın zədələnmiş kapitanı Mahmud Qurbanov xəstəxanadadır. Bu səbəbdən yarımmüdafiəçi "Qarabağ" klubu ilə də oyunda iştirak etməyib və onun komandaya nə zaman qayıdacağı hələ dəqiq müəyyən edilməyib. Lənkəranlıların baş məşqçisi Ağasəlim Mircavadov zədəsi tam sağalmamış qapıçı Mikayıl Yusifovun da xidmətlərindən istifadə edə bilməyəcək.
Xatırladaq ki, bundan əvvəl komandanın forvardı İlqar Qurbanov da iki oyunda iştirakdan məhrum edilib. Buna görə də hazırda "Xəzər" ciddi kadr problemi ilə üzləşib.