Azərbaycan, Bakı / Trend müxbir S.İlhamqızı/ Azərbaycanda 66 uşaq müəssisəsində 22 mindən çox uşaq yaşayır. Bu barədə Uşaqların Xilası Təşkilatının rəhbəri Mehman Kərimov məlumat verib.
Onun sözlərinə görə, Azərbaycanda uşaq müəssisələrinə alternativ olan sosial xidmət növləri demək olar ki, yoxdur. Valideyn qayğısından məhrum olmuş uşaqlar, sağlamlığı məhdud olan, davranış problemləri olan, həmçinin küçə uşaqları üçün sığınacaq mərkəzləri, tərbiyəetmə və övladlığa götürməyə dair icma xidmətləri yaradılmayıb. Azərbaycanda belə xidmət növlərinin, uşaq müəssisələrinə alternativ sosial xidmət sahələrinin yaradılmasına ehtiyac var.
