Azərbaycan, Bakı / Trend müxbir K. Zərbalıyeva/ Yazar Rafiq Tağı və "Sənət qəzeti"nin baş redaktoru Samir Sədaqətoğlunun işi üzrə bu gün Səbayel rayon məhkəməsində hakim Yusif Kərimovun sədrliyi ilə məhkəmə prosesi davam etdirilib. Məhkəmədən bazar ertəsi Trend ə bildirilib ki, dövlət ittihamçısı ittiham aktını elan edib. Təqsirləndirilənlərin vəkili İsaxan Aşurov işin qeyri-obyektiv araşdırıldığını əsas gətirərək hakimə etiraz edib. Lakin məhkəmə etirazı rədd edib. Təqsirləndirilənlər özlərini elan olunan ittiham üzrə təqsirli bilməyiblər. Prosesdə R. Tağı ifadə verib. Növbəti məhkəmə iclası aprelin 13-də R. Tağının və digər təqsirləndirilənin ifadəsi ilə davam etdiriləcək.
Rafiq Tağı və Samir Sədaqətoğlu Cinayət Məcəlləsinin 283-cü (milli, irqi, sosial və ya dini nifrət və düşmənçiliyin salınması) maddəsi ilə ittiham olunurlar.