Azərbaycan, Bakı, 27 yanvar /Trend, müxbir M.Əliyev/
Antalyada təlim-məşq toplanışı keçən Azərbaycan hakimləri bu gün dörd oyun idarə edəcək.
Trend-in məlumatına görə, bu gün Bakı vaxtı ilə saat 18.30-da başlanacaq "Vasluy" (Rumıniya) - "Qarabağ" oyununa azərbaycanlı hakim Fuad Həsənov təyinat alıb.
Digər üç oyunu - "Karpatı" (Ukrayna) - "Yaqloniya" (Polşa) matçını Orxan Məmmədov, "Xayduk" (Xorvatiya) - "Austriya" (Avstriya) görüşünü Əliyar Ağayev, "Terek 2" (Rusiya) - "Bakı 2" (Azərbaycan) qarşılaşmasını isə Səbayel Qurbanova idarə edəcək.