Azərbaycan, Bakı, 12 fevral /Trend/
"Turan" futbol klubu ev oyunlarını Bakıda keçirəcək.
Trend Peşəkar Futbol Liqasına istinadən məlumat verir ki, Tovuz şəhər stadionunda əsaslı təmir işlərinin aparılması və ot örtüyünün yenilənməsi ilə əlaqədar olaraq və klubun PFL-ə müraciətini nəzərə alaraq, qurumun prezidenti Ramin Musayev əmr imzalayıb.
"Premyer Liqada "Turan" klubunun əsas heyəti ev oyunlarını "Dalğa Arena" stadionunda, əvəzedici komanda isə Tovuz Olimpiya İdman Kompleksinin stadionunda keçirsin", - əmrdə deyilir.