...

Bakıda ilk dəfə olaraq akrobatika gimnastikası üzrə Dünya Kubokuna start verilib (FOTO)

İdman Materials 17 Noyabr 2018 12:35 (UTC +04:00)
Bakıda ilk dəfə olaraq akrobatika gimnastikası üzrə Dünya Kubokuna start verilib.
Bakıda ilk dəfə olaraq akrobatika gimnastikası üzrə Dünya Kubokuna start verilib (FOTO)

Bakı. Cani Babayeva - Trend:

Bakıda ilk dəfə olaraq akrobatika gimnastikası üzrə Dünya Kubokuna start verilib.

Trend-in məlumatına görə, Milli Gimnastika Arenasında iki gün davam edəcək yarışlarda 2003-cü il təvəllüdlü və daha böyük gimnastlar kişi cütlüyü, qadın cütlüyü, qarışıq cütlük, qadın qrupu və kişi qrupu tərkibində mübarizə aparacaqlar.

Turnirdə Belarus, İsrail, Qazaxıstan, Hindistan, Rusiya və Ukrayna komandaları təmsil olunacaq.

Gimnastikanın ən maraqlı və həyəcanlı növlərindən biri olan akrobatika gimnastikası üzrə Dünya Kubokunda Azərbaycan komandasının heyətində son Avropa çempionatının bürünc medalçıları, qarışıq cütlüklərimiz Abdulla Əl-Məşayxi – Ruhidil Qurbanlı və Ağasif Rəhimov – Nurcan Cabbarlı çıxış edəcəklər. Kişi cütlükləri proqramında isə Dünya Yaş Qrupu Yarışlarının (2016-cı il) gümüş medalçıları Seymur Cəfərov – Murad Əkpərov ən yaxşı yer uğrunda mübarizə aparacaqlar.

Turnirdə ən yüksək icra xalını toplamış cütlüklər və qruplara ənənəvi “AGF Trophy” Kuboku da təqdim olunacaq.

FOTO - Zaur Mustafayev

Məqalədə:
Xəbər lenti

Xəbər lenti