Bakı. Trend:
Cəbəllütariqdə 16 yaşadək basketbolçu qızlar arasında Avropa Avropa çempionatının C divizionunda çempion olan Azərbaycan millisi Vətənə qayıdıb.
Trend İdman.biz-ə istinadən xəbər verir ki, yığmanı Heydər Əliyev Beynəlxalq Aeroportunda idmançıları yaxınları, ailə üzvləri və media nümayəndələri qarşılayıblar.
Türkiyəli mütəxəssis Evren Alkayanın yetirmələri çempionatda keçirdikləri bütün görüşləri qələbə ilə başa vurublar. Yığmamız finalda Kiprə 69:52 hesabı ilə qalib gəlib.
Qeyd edək ki, bu, komandamızın C divizionunda ardıcıl 2-ci çempionluğu olub.
