Bakı. Trend:
21 yaşadək futbolçulardan ibarət Azərbaycan millisinin daha bir oyununun yeri dəqiqləşib.
Trend İdman.biz-ə istinadən xəbər verir ki, bunu AFFA-nın mətbuat xidməti açıqlayıb.
Avropa çempionatının seçmə mərhələsində İngiltərə yığması ilə keçirəcəyi səfər oyununun yeri müəyyənləşib. F qrupu çərçivəsində oktyabrın 15-də təşkil olunacaq görüş Bristol şəhərində yerləşən “Ashton Gate” stadionunda baş tutacaq.
Qeyd edək ki, matçın başlama saatı hələ dəqiqləşməyib.