Bakı. Trend:
Avropa Liqasının əsas mərhələsində “Qarabağ”ın rəqibi olan Rumıniyanın FCSB klubu 2025-ci ilin ilk transferlərini həyata keçirib.
Trend xəbər verir ki, bu barədə Rumıniya təmsilçisinin İnstagram hesabında paylaşım edilib.
FCSB həm yeni qapıçı, həm də yarımmüdafiəçi transferlərini rəsmiləşdirib. Klub təcrübəli qolkiper Lukaş Zima ilə müqavilə bağlayıb. Vaxtilə “Cenoa”, “Livorno” və “Peruca” kimi tanınmış klublarda çıxış etmiş çexiyalı qapıçı ilə razılaşma 2028-ci ilin iyun ayının sonuna qədər qüvvədədir.
Bundan əlavə, klub Superliqada 53 oyuna çıxaraq 12 qol vuran italyan yarımmüdafiəçi Juri Cisottini heyətinə cəlb edib. 31 yaşlı futbolçu şənbə günü FKSB-nin bazasına gələrək müqavilə imzalayıb və hazırda qış hazırlıq toplanışı üçün Antalyaya yollanıb. Cisotti komandada 31 nömrəli forma ilə çıxış edəcək.
“Qarabağ” və FCSB komandalarının qarşılaşması yanvarın 23-də Bakıdakı Tofiq Bəhramov adına Respublika stadionunda baş tutacaq. Oyun saat 21:45-də start götürəcək.
