Bakı. Trend:
“Turan Tovuz” futbol klubu heyətinə iki yeni oyunçunu qatıb.
Trend xəbər verir ki, klub bu barədə rəsmi “Instagram” hesabında məlumat yayıb.
Klubun açıqlamasına görə, Rəhim Sadıxovla 2026-2027-ci illər mövsümünün sonunadək müqavilə bağlanılıb. Anton Kraçkovski isə icarə əsasında komandada çıxış edəcək.
Son olaraq “Sumqayıt” klubunun formasını geyinmiş Rəhim Sadıxov daha əvvəl ölkəmizdə “Zirə”, Rusiyada isə “Solyaris”, “Spartak-2” və “Torpedo” klublarında çıxış edib. O, Azərbaycan milli komandasının heyətində 9 oyunda meydana çıxıb.
Mahaçqala “Dinamo”suna məxsus olan 22 yaşlı Anton Kraçkovski isə əvvəllər Qazaxıstanın “Kayrat” klubunda legioner həyatı yaşayıb.
