Bakı. Trend:
Azərbaycanın güllə atıcıları Sloveniyanın Ruş şəhərində keçiriləcək Qran-Pri yarışında iştirak edəcəklər.
Trend xəbər verir ki, bu barədə Azərbaycan Atıcılıq Federasiyası məlumat yayıb.
Bildirilib ki, ölkəmiz turnirdə 6 idmançı ilə təmsil olunacaq.
Yığmanın heyətində Ruslan Lunyov, Ramiz Xəlilov, Nigar Nəsirova, Üzeyir Tapdıqlı, Xanna Əliyeva və Vladislav Kalmıkov yer alıblar.
Yarışlar yanvar 7-12-də 10 metr məsafədən pnevmatik tapança və tüfəngdən atəş kateqoriyaları üzrə keçiriləcək.