Bakı. Trend:
“Barselona” klubu 36 yaşlı hücumçusu Robert Levandovskiyə əvəzedici axtarır.
Trend xəbər verir ki, Kataloniya təmsilçisinə Viktor Osimhen və Duşan Vlahoviç kimi gənc forvardlar təklif olunub.
Polşalı hücumçunun “Barselona” ilə müqaviləsi 2025-ci ilin yayında başa çatır. Yaş faktoru və komandanın yenilənmə ehtiyacı klubun Levandovski ilə yollarını ayırmaq ehtimalını artırır. Bu səbəbdən “Barsa” 25 yaşlı Duşan Vlahoviç və 26 yaşlı Viktor Osimhenlə maraqlanır.
Qeyd edək ki, Duşan Vlahoviç gələn il “Yuventus”la müqaviləsini başa vuracaq və yeni klub axtarışındadır. Viktor Osimhen isə “Napoli” ilə münasibətlərdə gərginlik yaşadığından, bu mövsüm icarə əsasında “Qalatasaray”da çıxış edir.
Hər iki futbolçu “Barselona”nın gənc və dinamik hücum xətti qurmaq istəklərinə uyğun gəlir.