Bakı. Trend:
Azərbaycanın UEFA Çempionlar Liqasındakı təmsilçisi "Sabah" II təsnifat mərhələsində ilk oyuna çıxıb.
Bakı klubu Bakıda Finlandiyanın KuPS komandasını qəbul edib.
"Bank Respublika Arena"da keçirilən görüş Azərbaycan çempionunun 1:0 hesablı qələbəsi ilə başa çatıb. Yeganə qolu 45+1-ci dəqiqədə Velko Simiç vurub.
Qeyd edək ki, komandalar arasında cavab oyunu iyulun 28-də Finlandiyada keçiriləcək. Bu cütün qalibi III təsnifat mərhələsində "Orxus" (Danimarka) - "Lex" (Polşa) duelinin güclüsü ilə qarşılaşacaq. Bu gün Danimarkada keçirilən ilk qarşılaşma "Lex"in səfər qələbəsi ilə başa çatıb - 1:4.
