Bakı.Trend:
Rusiyanın Əqli Mülkiyyət Hüquqları Məhkəməsi "The Coca-Cola Company"nin Rusiyada şirkətə məxsus dörd əmtəə nişanının hüquqi mühafizəsinə xitam verilməsi ilə bağlı iddiasını rədd edib.
Bu barədə Rusiya KİV-də məhkəmə materiallarına istinadən məlumat yayılıb.
Söhbət “Coca-Cola” söz elementi olan rəngli və ağ-qara əmtəə nişanlarından, o cümlədən hələ 1927-ci ildə SSRİ-də qeydiyyata alınmış nişandan, həmçinin 1996-cı ildən Rusiyada ümumtanınmış əmtəə nişanı statusuna malik olan nişandan gedir.
2022-ci ilin martında “The Coca-Cola Company” Rusiyada məhsullarının satışını dayandırdığını elan etmişdi. Bununla belə, Rusiya mağazalarında digər ölkələrdən idxal olunan “Coca-Cola” içkiləri satılmaqda davam edir.
