...

Bu il Bakı metrosunda yeni kondisionerli qatarlar görəcəyik

İqtisadiyyat Materials 19 Fevral 2018 12:22
Rusiyanın “Metrovaqonmaş” ASC və “Bakı Metropoliteni” QSC yeni qatarların alışı üçün müqavilə imzalayıb.
Bu il Bakı metrosunda yeni kondisionerli qatarlar görəcəyik

Trend-i buradan izləyin

Bakı. Maksim Tsurkov - Trend:

Rusiyanın “Metrovaqonmaş” ASC və “Bakı Metropoliteni” QSC yeni qatarların alışı üçün müqavilə imzalayıb.

Trend-in məlumatına görə, müqaviləyə əsasən Rusiya şirkəti Azərbaycana iki beşvaqonlu qatar tədarük edəcək.

Vaqonların xidmət müddəti 31 il təşkil edir. Müqaviləni “Metrovaqonmaş” ASC-nin baş direktoru Boris Boqatıryov və “Bakı Metropoliteni” QSC-nin sədri Zaur Hüseynov imzalayıb.

Yeni vaqonların ilk hissəsinin Bakıya göndərilməsi bu ilin martında nəzərdə tutulub. Müqavilənin icrasının 2018-ci il ərzində başa çatması gözlənilir.

"Bakı Metropoliteni" Qapalı Səhmdar Cəmiyyətindən yeni qatarların alınması faktını təsdiqləyiblər.

Qurumun İctimaiyyətlə əlaqələr şöbəsinin müdiri Nəsimi Paşayev Trend-ə bildirib ki, QSC "Metrovaqonmaş"la müqavilə imzalayıb:

"İki yeni qatarın alınması ilə bağlı müqavilə imzalanıb. Hər biri 5 vaqondan ibarət qatarlar 4-cü nəsil texnologiyalıdır. Bu qatarlar sonuncu dəfə aldığımız qatarlardan bir neçə üstünlüyü ilə fərqlənir, kondisioner sistemi ilə də təchiz olunub. Qatarların 2018-ci ildə Bakıya gətirilməsi planlaşdırılır".

Məqalədə:
Xəbər lenti

Xəbər lenti