Bakı. Trend:
Braziliyanın təyyarə istehsalçısı "Embraer" ABŞ-ın "Boeing" aerokosmik korporasiyası ilə ortaq müəssisə yaratmaq müqaviləsini pozduqdan sonra şirkət ehtiyatlarına qənaət etmək üçün tədbirlər hazırlayır.
Trend-in TASS-a istinadən verdiyi məlumata görə, şirkət istehsal və kapital xərclərini artıq tənzimləməyə başlayıb.
"Biz likvidlik mövqeyinin və sabit maliyyə vəziyyətinin qorunması üçün əlavə tədbirlər görürük", - istahsalçının açıqlamasında deyilir.
Bu tədbirlərə səhmlərin optimallaşdırılması, ödəniş müddətlərinin uzadılması, xərclərin azaldılması və maliyyə mənbələrinin tapılması daxildir. Qeyd olunur ki, şirkət 2019-cu ili yüksək likvidlik dərəcəsi ilə və il ərzində əhəmiyyətli borcu olmadan başa vurub.
Aprelin 26-da "Boeing" Braziliya tərəfdaşlarını şərtləri yerinə yetirməməkdə günahlandıraraq "Embraer" ilə 2018-ci ilin sonunda ortaq müəssisə qurmağı planlaşdıran razılaşmanın ləğv olunduğunu bildirib. Braziliyalı istehsalçısı əks tərəfin hərəkətlərini qanunsuz adlandıraraq bu iddiaları təkzib edib.