...

Daha bir şirkət Sığortaçılar Assosiasiyasına qoşulub

İqtisadiyyat Materials 7 Fevral 2022 11:19 (UTC +04:00)
Daha bir şirkət Sığortaçılar Assosiasiyasına qoşulub

Trend-i buradan izləyin

Bakı. Trend:

Daha bir sığorta şirkəti Azərbaycan Sığortaçılar Assosiasiyasına (ASA) üzv olub.

ASA-dan Trend-ə verilən məlumata görə, “Aqrar Sığorta Müştərək Sığorta Şirkəti” ASC tərəfindən Assosiasiyaya üzvlüklə bağlı rəsmi müraciət daxil olub.

Məlumatda bildirilir ki, müvafiq müraciətə Azərbaycan Sığortaçılar Assosiasiyasının Müşahidə Şurasının 2021-ci ilin yekunlarına həsr olunmuş toplantısında baxılaraq, şirkətin ASA-ya üzv olması ilə bağlı qərar qəbul edilib.

Beləliklə bununla da ölkədə fəaliyyət göstərən bütün sığorta şirkətləri Azərbaycan Sığortaçılar Assosiasiyasının üzvü olmuş oldu və ASA-nın üzvlərinin sayı 21-ə çatıb.

Qeyd edək ki, hazırda Azərbaycanda 14 qeyri-həyat, 5 həyat 1 aqrar və 1 təkrarsığorta şirkəti fəaliyyət göstərir.

Məqalədə:
Xəbər lenti

Xəbər lenti