Bakı. Trend:
Azərbaycanın iqtisadiyyat naziri Mikayıl Cabbarov Asiya İnfrastruktur İnvestisiya Bankının prezidenti və Direktorlar Şurasının sədri Cin Liçün görüşüb.
Trend xəbər verir ki, bu barədə iqtisadiyyat naziri "X" (tvitter) sosial şəbəkə hesabında məlumat verib.
"Asiya İnfrastruktur İnvestisiya Bankının prezidenti və Direktorlar Şurasının sədri Cin Liçün ilə Azərbaycanın AİİB ilə əməkdaşlıq istiqamətləri, bankın maliyyə dəstəyi ilə ölkəmizdə layihələrin həyata keçirilməsi imkanları və birgə fəaliyyətin prioritetləri barədə fikir mübadiləsi apardıq", - deyə paylaşımda bildirilib.