Bakı. Trend:
Türkdilli Dövlətlər Təşkilatının logistika mərkəzləri və yükdaşıyıcılarının əməkdaşlığı çərçivəsində gələn ilin may ayında Özbəkistanda multi-modal nəqliyyat forumunun təşkili planlaşdırılır.
Trend xəbər verir ki, bu haqda Türkdilli Dövlətlər Təşkilatının baş katibi Kubanıçbek Ömüraliyev TDT-nin gömrük xidməti rəhbərlərinin 10-cu iclasında etdiyi çıxışda danışıb.
“Logistika mərkəzləri və yükdaşıyıcılarının əməkdaşlığı çərçivəsində biz gələn ilin may ayında Özbəkistanda multi-modal nəqliyyat forumunu təşkil etməyi planlaşdırırıq. Biz səmimi qəlbdən sizi bu vacib hadisədə iştirak etməyə çağırırıq”, - deyə o bildirib.