Bakı. Trend:
Yaşıl enerjinin Avropa bazarına çatdırılması istiqamətində Azərbaycanla Türkiyə arasında çox yaxşı əməkdaşlıq potensialı mövcuddur.
Trend xəbər verir ki, bu barədə bu gün Azərbaycan xarici işlər naziri Ceyhun Bayramov Türkiyə xarici işlər naziri Hakan Fidanla Bakıda keçirilən birgə mətbuat konfransında çıxışında deyib.
Nazir bildirib ki, Bakı-Tbilisi-Qars dəmir yolu xəttinin ötürmə qabiliyyətinin ötən il genişləndirilməsi layihəsinin başa çatdırılması, Bakı Dəniz Limanının imkanlarının artırılması Orta Dəhlizin daha böyük potensialla çalışması üçün ciddi əsas yaradır.