Bakı. Trend:
Şəki Şəhər Stadionu təmir olunacaq.
Trend-in əldə etdiyi məlumata görə, stadionun təmiri üzrə layihə-smeta sənədlərinin hazırlanmasına başlanılır.
Belə ki, Azərbaycan Respublikası Gənclər və İdman Nazirliyində artıq bununla bağlı müvafiq işlərə start verilib.
Nazirlik sözügedən işlərin icrasını “Az.Arxitektura” Məhdud Məsuliyyətli Cəmiyyətinə (MMC) həvalə edib və müqavilə bağlayıb.
Müqaviləyə əsasən, MMC-yə 55 min manat ödənilib.
Qeyd edək ki, sentyabrın 28-dən oktyabrın 8-dək Azərbaycanda III
MDB Oyunları keçiriləcək.
Oyunların keçiriləcəyi bölgələrdən biri də Şəki olduğundan şəhər
stadionunun təmir olunacağı bildirilirdi.