Bakı. Trend:
Qeyri-neft sektoru üzrə dövlətə məxsus əsas ixracatçı subyektlərin yanvar-aprel ayları üzrə renkinqi açıqlanıb.
Trend bu barədə İqtisadi İslahatların Təhlili və Kommunikasiya Mərkəzinin açıqladığı “İxrac İcmalı”nın may sayına istinadən xəbər verir.
Məlumata görə, məxsus əsas ixracatçı subyektlərdən ən çox ixrac gəliri əldə edən şirkət Azərbaycan Respublikasının Dövlət Neft Şirkətinin (ARDNŞ) Marketinq və İqtisadi Əməliyyatlar İdarəsi olub. İdarə 140,8 milyon ABŞ dolları dəyərində ixrac gəliri əldə edib.
Siyahının ikinci yerində 82,5 milyon ABŞ dolları ixrac gəliri ilə “SOCAR Polymer" MMC (dövlət-özəl sektor tərəfdaşlığı nəticəsində yaranan müəssisə), üçüncü yerində isə 68,4 milyon ABŞ dolları ixrac gəliri ilə “AzerGold" QSC dayanıb.
Qeyri-neft sektoru üzrə dövlətə məxsus əsas ixracatçı subyektlərin yanvar-aprel ayları üzrə renkinqi ilə aşağıdakı cədvəldən tanış ola bilərsiniz:
| Şirkətlər | Məbləğ (milyon ABŞ dolları) |
| ARDNŞ-nın Marketinq və İqtisadi Əməliyyatlar İdarəsi | 140,8 |
| “SOCAR Polymer" MMC | 82,5 |
| “AzerGold" QSC | 68,4 |
| “Azəralüminium" MMC | 49,6 |
| ARDNŞ-nın Qaz İxrac İdarəsi | 26,9 |
| “Azərpambıq Aqrar Sənaye Kompleksi" MMC | 11,6 |
| "Azərbaycan Hava Yollari" QSC | 5,8 |
| “AzərEnerji" ATSC | 1,8 |
| Naxçıvan MR Dövlət Energetika Xidməti | 324 min ABŞ dolları |
| “Qaradağ Şüşə Zavodu” ASC | 59,8 min ABŞ dolları |