Bakı.Trend:
Bu ilin yanvar-may aylarında Azərbaycana 41,1 milyon dollar dəyərində ət idxal edilib.
Bu barədə Trend Dövlət Gömrük Komitəsindən məlumat əldə edib.
Məlumata əsasən, bu 2024-cü ilin eyni dövründəki göstərici ilə müqayisədə 7,3 milyon ABŞ dolları və ya 15,1% azdır.
Hesabat dövründə ət idxalı Azərbaycanın ümumi idxalının 0.41%-ni təşkil edib.
Eyni zamanda, cari ilin ilk 5 ayında Azərbaycandan 519 min ABŞ dolları dəyərində ət ixrac edilib ki, bu da 2024-cü ilin eyni dövrü ilə müqayisədə 29,6 min ABŞ dolları və yaxud 6,1% artım deməkdir.
Qeyd edək ki, Azərbaycanda 2025-ci ilin yanvar-may aylarında diri çəkidə 233,6 min ton ət istehsal edilib. Bu isə ötən ilin eyni dövrü ilə müqayisədə 2,8 min ton və ya 1,2% çoxdur.