Bakı. Trend:
Azərbaycan Mərkəzi Bankı (AMB) və Dünya Bankı (DB) arasında dayanıqlı inkişaf məqsədlərinə dəstək istiqamətində əməkdaşlığın uzunmüddətli perspektivdə genişləndirilməsi barədə fikir mübadiləsi aparılıb.
Trend AMB-yə istinadən xəbər verir ki, bu Mərkəzi Bankın sədri Taleh Kazımovun Amerika Birləşmiş Ştatlarının (ABŞ) Vaşinqton şəhərinə işgüzar səfəri çərçivəsində Dünya Bankının (DB) Avropa və Mərkəzi Asiya regionu üzrə vitse-prezidenti Antonella Bassani ilə görüşü zamanı baş tutub.
Görüş zamanı ölkədə makroiqtisadi sabitliyin təmin olunması və
maliyyə inklüzivliyinin genişləndirilməsi istiqamətində DB ilə
əməkdaşlıqdan məmnunluq bildirilərək Azərbaycan üzrə yeni Ölkə
Tərəfdaşlıq Çərçivəsində nəzərdə tutulan təşəbbüslər və həyata
keçirilən layihələr müzakirə olunub.
Görüşdə həmçinin dayanıqlı inkişaf məqsədlərinə dəstək
istiqamətində əməkdaşlığın uzunmüddətli perspektivdə
genişləndirilməsi barədə fikir mübadiləsi aparılıb.
