Bakı. Trend:
Bu ilin yanvar-noyabr aylarında qeyri-neft-qaz sektorundan büdcə daxilolmaları 11 milyard 187,6 milyon manat olub.
Trend İqtisadiyyat Nazirliyi yanında Dövlət Vergi Xidmətinə istinadən xəbər verir ki, proqnoz 102,7 faiz icra edilib.
Məlumata əsasən, əvvəlki ilin müvafiq dövrü ilə müqayisədə bu sektordan vergi daxilolmaları 8,7 faiz artıb.
Qeyd edilib ki, ödənilən vergilərin 73,1 faizi qeyri-neft-qaz sektorunun, 26,9 faizi isə neft-qaz sektorunun payına düşüb.