Azərbaycan, Bakı / Trend müxbir İ.Xəlilova/ İlin sonuna qədər Yaponiyanın "Mitsubishi" şirkəti Bakı yaxınlığında yerləşən Balaxanı qəsəbəsindəki zibilliklərin örtülməsi üzrə işə başlamağı planlaşdırır. Bu barədə çərşənbə axşamı Azərbaycan İqtisadi İnkişaf Nazirliyinin investisiyalar üzrə şöbə müdiri Əsgər Ələkbərov məlumat verib.
Onun sözlərinə görə, şirkətdə zibilliklərin örtülməsi üzrə xərclərin müəyyənləşdirlməsi prosesi aparılır.
"İlkin təkliflər nazirlikdə nəzərdən keçirilib. Lakin idarə böyük həcmdə qiymətləndirilmə ilə raşılaşmayıb. Bundan sonra idarə tərfindən tədqiqat aparılıb və məlum olub ki, təxminən 1 mln. dollardan az vəsait sərf etmək mümkündür" - deyə Ələkbərov bildirib.
"Mitsubishi"nin qiymətləndirməsinə görə, zibilliklərin örtülməsi üçün boruların və torpağın alınması üçün 2,5 mln. dollar tələb olunur.
Ələkbərovun sözlərinə görə, "Mitsubishi" layihənin reallaşdırılmasının ikinci mərhələsində elektrik siansiyası tikməyi planlaşdırır. Burada tullantılardan əldə olunan metan qazı hesabına elektrik enerjisi istehsal olunacaq və elektrik enerjisi Azərbaycana pulsuz veriləcək.
Balaxanıda məişət tullantıları sahəsindən metan qazının əldə olunması layihəsi "Mitsubishi" tərəfindən hazırlanıb.
Azərbaycan Ekologiya və Təbii Sərvətlər Nazirliyi metan qazı tullantıları üzərində öz satış payı üzrə icazənin alınması üçün BMT-yə müraciət ərəfəsindədir.
Layihə dövlət büdcəsinə yük olmadan reallaşdırılacaq və yüksək ekoloji effekt - Bakı ətrafı mühitin əhəmiyyətli dərəcədə təmizlənməsini nəzərdə tutur. Belə ki, metan qazından elektrik enerjisi istehsal olunacaq.
Sahələrdə yığılan tullantılar ətraf mühitə pis təsir göstərir və nəticədə onların qoxusu insanların sağlamlığı üçün təhlükə yaradır. Onların yaxınlıqdakı məntəqələrdə yaşayan insanlar üçün təhlükəli olduğu nəzərə alınır və bu tullantıların istifadə edilməsi lazımlı fakt hesab olunur.
