Azərbaycan, Bakı / Trend müxbir U.İsmaylova/ Çexiya xarici işlər nazirinin müavini Tomas Polar cümə günü Bakıda Azərbaycanın iqtisadi inkişaf naziri Heydər Babayevlə keçirdiyi görüşü zamanı bildirib ki, Çexiyanın idxal etdiyi neftin 20 faizdən çoxunu Azərbaycan xammalı təşkil edir.
Görüş zamanı Polar bildirib ki, Çexiya Azərbaycanla ticarət və investisiya münasibətlərini genişləndirmək niyyətindədir.
Azərbaycanın iqtisadi inkişaf naziri Babayev bu ölkədə istehsal olunan lokomotivlərin alınması sahəsində Çexiya ilə mümkün əməkdaşlığa dair fikrini söyləyib.