...

Azərbaycanın dövlət büdcəsi 2007-ci ildə 104,1 faiz yerinə yetirilib

Biznes və iqtisadiyyat xəbərləri Materials 5 Fevral 2008 16:19 (UTC +04:00)

Azərbaycan, Bakı, 5 fevral/ Trend müxbir İ.Xəlilova/ Azərbaycan Maliyyə Nazirliyinin operativ məlumatlarına görə, 2007-ci ildə dövlət büdcəsinin mədaxili 2006-cı illə müqayisədə 55,3 faiz (2138,6 mln. manat) artaraq 6007,4 mln. manat təşkil edib. Bu barədə çərşənbə axşamı nazirlikdən məlumat veriblər.

Dövlət büdcəsinin xərcləri 59,9 faiz artaraq (2268,4 mln. manat), 6058,5 mln. manat təşkil edib. Dövlət büdcəsinin mədaxil proqnozu 104,1faiz, xərclər üzrə isə 95,9 faiz yerinə yetirilib.

Ötən ilin yekunlarına görə, dövlət büdcəsi kəsiri 51,1 mln. manat təşkil edib.

Büdcə daxilolmalarının 75,1 faizi (4510,5 mln. manat) Vergilər Nazirliyinin hesabına təmin edilib. Vergi yığımları üzrə proqnozlar 106,4 faiz icra edilib və 2006-cı ildən 69,3 faiz çoxdur. Gömrük tarif və vergilərindən daxilolmalar 49,6 faiz artaraq 772 mln. manat (12,8 faiz) olub və proqnoz 100,3 faiz yerinə yetirilib.

Dövlət Neft Fondu büdcəyə nəzərdə tutulan 585 mln. manatı (ümumi mədaxilin 9,7 faizi) tam ödəyib. Dövlət Əmlakının İdarə Edilməsi üzrə Dövlət Komitəsi xətti ilə büdcəyə proqnozdan 10,7 faiz çox vəsait ödənilib və 3,1 mln. manat (0,1 faiz) təşkil edib. Dövlət təşkilatlarından büdcədən xaric daxilolmalar - 83,8 mln. manat (1,4 faiz) , digər mənbələrdən - 53 mln. manat (0,9 faiz) olub ki, bu da 2006-cı ildən 55 faiz çoxdur.

Dövlət xərclərindən 27,6 faiz (1669,3 mln. manat) sosial yönümlü tədbirlərə sərf edilib. 2006-cı illə müqayisədə artım 59 faiz təşkil edib.

Ötən il sənaye, tikintiyə xərclər 2,2 dəfə artaraq 1931,4 mln. manat, kənd təsərrüfatı, balıqçılıq, həmçinin ətraf mühitin mühafizəsi - 245,6 mln. manat (artım 85,5 faiz) , əhalinin sosial təminatı və müdafiəsinə - 594,8 mln. manat (74,2 faiz), təhsilə - 722 mln. manat (50,7 faiz), səhiyyəyə - 257,2 mln. manat (58,8 faiz), prokurorluq, təhlükəsizlik, hüquq-mühafizə, məhkəmə hakimiyyəti orqanlarının saxlanılmasına - 431,1 mln. manat (54,7 faiz) , mənzil-kommunal xərclərinə - 91,9 mln. manat (49,4 faiz) müdafiəyə - 812,3 mln. manat (26,8 faiz) təşkil edib.

Xəbər lenti

Xəbər lenti