...

Doxov raundu çərçivəsində danışıqlar Azərbaycanın ÜTT ilə görüşlərin V raundunun vaxtının dəyişdirilməsinə səbəb olub

Biznes və iqtisadiyyat xəbərləri Materials 26 Fevral 2008 18:38 (UTC +04:00)

Azərbaycan, Bakı, 26 fevral / " müxbir İ.Xəlilova / Doxov raundunda danışıqların müsbət tendensiyasına görə, Ümumdünya Ticarət Təşkilatı (ÜTT) ÜTT-yə daxil olmaq üçün namizəd ölkələrlə görüşləri təxirə salıb, bu da Azərbaycan hökumətinin İşçi Qrupu ilə danışıqların beşinci raundunun başqa vaxta keçirilməsinə səbəb olub, - çərşənbə axşamı danışıqlar qrupunun başçısı, AR xarici işlər nazirinin müavini Mahmud Məmmədquliyev deyib.

Ticarətdə maneələrin liberallaşdırılması və aradan qaldırılmasına dair Doxov raundu çərçivəsində danışıqların nəticələrinin möhkəmləndirilməsi , tarif siyasətinin yumşaldılması üçün martın əvvəlində Cenevrədə ÜTT-yə üzv-ölkələrin ticarət nazirlərinin görüşləri keçiriləcək. Bu səbəbdən Azərbaycanın təklifləri üzrə əlavə cavablar sorğusuna dair Ümumdünya təşkilatının İşçi Qrupu ilə görüş aprel-maydan əvvəl baş tutmayacaq, - nazir müavini qeyd edib. [Daha əvvəl görüş marta planlaşdırılıb].

"ÜTT katibliyi həm sualların cavablarını, həm də tarif və xidmət tarifləri təkliflərinə dair texniki dəqiqləşdirilməyi tələb edib", - Məmmədquliyev əlavə edib.

O hesab edir ki, ildən-ilə ÜTT-yə namizəd-ölkələr üçün tələblər sərtləşir, bu səbəbdən də ölkə maksimal olaraq bu prosesi gücləndirməlidir, lakin bu, ölkə maraqlarını nəzərə alaraq olmalıdır. Azərbaycan ÜTT-yə inkişaf edən ölkə statusunda daxil olmağa çalışır, bu da aqrar sektor üçün 10 faizədək maliyyə yardımı almağa imkan verir.

Danışıqlar qrupunda Azərbaycanın maraqlarını ABŞ, Avropa İttifaqı kimi ÜTT-ə üzv əsas oyunçuların qarşısında müdafiə etmək lazım gələcək. Dünyada kənd təsərrüfatı mallarının iri ixracçısı olan Avropa İttifaqı Azərbaycanın təklif etdiyi dərəcəni endirməyi təklif edir. Bəzi mallar üzrə onu sıfıra endirmək təklif edilir. Hazırda sənayedə son məhsula 15 faizlik idxal gömrük dərəcəsi, xammala isə - 0-0,5 faiz təklif olunur.

Müəlliflə əlaqə saxlamaq üçün ünvan: cap

Xəbər lenti

Xəbər lenti