Azərbaycan, Bakı, 16 aprel/ Trend müxbir İ.Xəlilova/ Böyük Britaniya Azərbaycana yatırılan sərmayələrin həcminə görə lider mövqeyini saxlamaqda davam edior və birinci rübdə əcnəbi sərmayələrin ümumi həcmində onun xüsusi çəkisi 49,5 faiz təşkil edib. Bu barədə Dövlət Statistika Komitəsindən məlumat veriblər. Onun sərmayələri ötən ilin analoji dövrü ilə müqayisədə 2,5 faiz artaraq 281,354 mln. manat təşkil edib.
Yanvar-mart ərzində xarici ölkələr və beynəlxalq təşkilatlar tərəfindən Azərbaycan iqtisadiyyatına yatırılmış sərmayələrin 96,2 faizi (546,7 mln. manat) Böyük Britaniya, ABŞ, Yaponiya, Norveç, Türkiyə və Fransadan olan sərmayədarların payına düşür.
Amerika sərmayələri 10,9 faiz azalaraq 123,309 mln. manat (xüsusi çəkisi 21,7 faiz), yapon - 11,2 faiz azalaraq 64,626 mln. manat (11,4 faiz), Norveç - 11,6 faiz azalaraq 40,758 mln. manat (7,2 faiz), türk - 11,6 faiz azalaraq 32,048 mln. manat (5,6 faiz), fransız - 5,6 dəfə artaraq 4,604 mln. manat (0,8 faiz) təşkil edib.
BMİ-dən ən böyük sərmayə həcmi (8,303 mln. manat həcmində) 4,6 dəfə artaraq xüsusi çəkisi 1,5 faiz olmaqla Dünya Bankı tərəfindən yatırılıb. Asiya İnkişaf Bankı Azərbaycanda reallaşdırılan layihələrə azalma 60,6 faiz olmaqla 2,471 mln. manat (0,4 faiz), Küveyt İqtisadi İnkişaf Fondu - artım 44,9 faiz olmaqla 1,726 mln. manat (0,3 faiz), İslam İnkişaf Bankı - artım 23,4 faiz olmaqla 1,241 mln. manat (0,2 faiz) vəsait yatırıb.
Müəlliflə əlaqə saxlamaq üçün elektron ünvan: [email protected]
