Azərbaycan, Bakı, 12 may/ Trend , müxbir İ.Xəlilova/ Azərbaycanın Milli Bankı (AMB) iki yeni Azərbaycan bankına - "Naxçıvanbank" və "CP BANK"a lisenziyalaşdırmanın birinci mərhələlərini keçmələri haqqında icazə verib. Bu barədə bazar ertəsi, AMB İdarə Heyəti sədr müavini Rüfət Aslanlı məlumat verib. Onun sözlərinə görə, Milli Banka bu bankların təsisçiləri tərəfindən qəti müraciət daxil olmayıb.
Naxçıvanbank və CP BANK artıq Vergilər Nazirliyində dövlət qeydiyyatından keçiblər. Naxçıvanbank Naxçıvan Muxtar Respublikası ərazisində bank fəaliyyəti göstəcək və bununla Azərbaycada ikinci regional bank olacaq. Birinci bank - Ganja Bank 1994-cü ildə təsis edilib.
Naxçıvanbank yeddi fiziki şəxs tərəfindən təsis edilir. Onlardan biri Türkiyə vətəndaşıdır və 300 min paya malik olacaq. Bank, bir səhmin nominal dəyər 10 manat olmaqla, 10 mln. manat Nizamnamə kapitalı ilə yaradılır.Bankın Müşahidə Şurasında Xuraman Mircavadova, Vasif Kazımov və Əlidadaş Babayev təmsil olunublar.
CP BANK 11 mln. manat ($13 mln.) Nizamnamə kapitalı ilə təsis olunub. Bankın əsas təsisçiləri kimi Mais Mənsimov (Palmali Group-un prezidenti), Maarif Mənsimov və Palmali gemi Hizmetleri ve Acentelik LTD çıxış edir. Bankın qanuni təmsilçisi Əziz Təksoy təyin edilib. Bankın səhmlərinin emissiyasının həcmi 10 min səhm olacaq. CP BANK-ın hüquqi ünvanı: Bakı şəh. , Nəsimi rayonu, Kövkəb Səfərəliyeva küç. ev.2.
PALMALİ şirkəti Aralıq, Xəzər, Baltik və Qara dəniz hövzələrində yük daşınmalarına ixtisaslaşıb. Bundan əlavə, şirkət Rusiyanın daxili limanlarında daşınmalar üzrə liderdir. Şirkətin donanması özünün və icarəyə götürdüyü gəmilərdən ibarətdir.
PALMALİ, əsasən, neft məhsullarının (benzin, qazoyl, vakuum qazoylu, peç yanacağı, kerosin), xam neftin, qida və sənaye yağlarının daşınmasında ixtisaslaşır. Bundan əlavə, şirkətin özünün quru yük donanması var və bu donanma vasitəsilə quru yüklərin bütün növləri daşınır.
Müəlliflə əlaqə saxlamaq üçün elektron ünvan: [email protected]