Azərbaycan, Bakı, 04 iyun/ Trend Cap , müxbir İ.Xəlilova/ Azərbaycanın Dövlət Neft Fondu (ARDNF) 2009-cu ildən etibarən, Fondun aktivlərin yerləşdiriləcəyi səhm portfelini genişləndirməyi planlaşdırır. Bu barədə çərşənbə günü ARDNF-in icraçı direktoru Şahmar Mövsümov məlumat verib. 2007-ci ilin yekunları üzrə səhmlərə Fondun aktivlərinin cəmi 0,1 faizi yerləşdirilib.
"Neft Fondunun gəlirləri böyük sürətlə artır və uzun müddətə saxlanılmaq üçün nəzərdə tutulmuş pulları böyük gəlir gətirən daha uzunmüddətli və riskli aktivlərə yerləşdirmək lazımdır", - Mövsümov dəqiqləşdirib.
Hazırda Neft Fondu aktivlərin yerləşdirilməsinə dair yeni strategiya üzrə təkliflər hazırlayır. Təkliflər yaxın vaxtlarda nəzərdən keçirilmək üçün Müşahidə Şurasına təqdim olunacaq. Öz növbəsində, Şura onları nəzərdən keçirilmək üçün ölkə prezidentinə təqdim edəcək.
Mövsümov səhm portfelinin hansı səviyyəyədək artırılacağını söyləməkdə çətinlik çəkib.
2007-ci ildə Fond investisiya portfelinin qısamüddətli alətlərə yerləşdirilməsi siyasətini təklif edib və aktivlərin 96 faizi beş ilədək müddətə yatırılmış vəsaitlərin payına düşür.
Bu gün akivlərin yerləşdirilməsi müddəti ən vacib göstəricilərdən biridir. Hazırda inkişaf etmiş ölkələrdə (ABŞ, Yaponiya, İngiltərə) belə tendensiya yaranıb ki, qısamüddətli investisiyalar uzunmüddətli investisiyalardan daha çox gəlir gətirir. Bununla əlaqədar, Neft Fondu 2005-ci ildən başlayaraq, dünya bazarlarında yaranan vəziyyətə görə, vəsaitləri qısamüddətli kağızlara yerləşdirir.
Ötən ilin yekunları üzrə 24,82 faiz bir ilədək, 43,34 faiz - bir ildən üç ilədək, 27,83 faiz - 3 ildən 5 ilədək, 2,95 faiz - 5 ildən 7 ilədək və 1,06 faiz 7 ildən çox müddətli qiymətli kağızlarda yerləşdirilib.
ARDNF aktivlərin qiymətli kağızlarda yerləşdirilməsinə dair mühafizəkar siyasət həyata keçirir. Aktivlər, əsasən ,Moody və Standard & Poor kimi beynəlxalq reytinq agentliklərinin yüksək reytinq verdikləri istiqrazlarda yerləşdirilir. Hazırda Fondun aktivlərinin 48,13 faizi S/P və "Aaa" - Moody`s versiyası üzrə "AAA" reytinqli QK-da, 30,82 faiz - müvafiq olaraq "AA", AA+, AA- və Aa1, Aa2,Aa3, 15,72 faiz - "A", "A+", "A-" və "A1", "A2", "A3", 3,26 faiz - "VVV", "VVV+", "VVV-" və "Vaa1", "Vaa2", "Vaa3", 2,07 faiz - "VV", "VV+", "VV-" və "Va1", "Va2", "Va3" yerləşdirilib. Fondun aktivləri investisiya reytinqindən aşağı QK-da yerləşdirilə bilməz.
Neft Fondun aktivlərinin yerləşdirmə coğrafiyası aşağıdakı kimidir: 50,73 faiz ABŞ-da, 41,06 faiz - Avropa ölkələri, 4,85 faiz - Asiya, 3,36 faiz - digər ölkələrdə.
İyunun 4-nə olan rəsmi məzənnə - 0,8204 AZN/USD
Müəlliflə əlaqə saxlamaq üçün elektron ünvan: cap