Azərbaycan, Bakı, 07 iyun/ Trend , müxbir İ.Xəlilova/ Avropa İttifaqı azərbaycanlı ixracatçıların Aİ-GSP üstünlükləri sistemini tətbiq etmələrinin genişləndirilməsində Azərbaycan hökumətinə texniki yardım göstərəcək. Bu barədə İqtisadi İnkişaf Nazirliyinin İnvestisiya şöbəsinin rəhbəri Əsgər Ələkbərov məlumat verib. Texniki yardım İİN-in institusional dəstəklənməsi üzrə reallaşdırılmasına sentyabrda başlanılacaq Tacis layihəsi çərçivəsində göstəriləcək.
Əsgərov qeyd edibki, hazırda podratçının seçilməsi üzrə iyulun ortalarında başa çatacaq tender prosesduru keçirilir. Layihənin dəyəri 3 mln. avrodur. Layihə iki ilə nəzərdə tutulub.
Bu layihə 2006-cı maliyyə ili üçün Azərbaycan üzrə Tacis milli fəaliyyət planına daxildir. Plan Avropa Komissiyası tərəfindən 2006-cı il iyunun 15-də təsdiqlənib. Lakin Azərbaycan hökuməti ilə plan üzrə maliyyə memorandumu ötən il imzalanıb.
Bu gün Azərbaycanın GSP-dən istifadə etmə səviyyəsi cəmi 20-30 faiz təşkil edir.
"GSP sistemindən istifadənin aşağı səviyyəsi ya Azərbaycan ixracatçılarının məhsullarının beynəlxalq standartlara müvafiq olmaması, ya da azərbaycanlı iş adamlarının belə üstünlüklər sistemi barədə xəbərsiz olmaları ilə bağlıdır. Ona görə də onlar öz mallarının Avropa bazarlarına tədarükü zamanı mümkün güzəştlərdən istifadə etmirlər ", - Ələkbərov bildirib.
Tacis layihəsi çərçivəsində azərbaycanlı istehsalçıların üstünlüklər sisteminin işi və istehsal keyfiyyətinin yaxşılaşdırılması üçün zəruri tədbirlər haqqında məlumatlandırılması üzrə iş aparılacaq.
Aİ Azərbaycana güzəştli rejimin əhatə etdiyi malların siyahısını təqdim edib. Onların sırasına qida məhsulları, sənaye malları v əs. aid edilib. Eyni zamanda, Aİ malların siyahısının genişləndirilməsini nəzərdə tutan GSP+ hazırlayır.
Aİ-dən texniki yardım, xüsusən hökumətdə, həm də özəl sektorda üstünlüklər sistemi haqqında informasiyanın yayılması üzrə istənilib. Yardım seminarlar, tanışlıq xarakteri daşıyan tədbirlər və ya özəl sektorla daha konkret iş formasında göstəriləcək.
Azərbaycanda GSP sistemindən istifadədə əsas məsələ məhsul istehsalı zamanı AR-da tətbiq olunan texniki reqlament və standartların uyğunsuzluğudur. Bu, milli ixracatçılara bu üstünlüklərdən tam gücü ilə istifadə etməyə imkan vermir. Onların tətbiqinin mahiyyəti belədir ki, GSP sistemi üzrə malın Avropa İttifaqına daxil olmasına qoyulan ixrac rüsumları nəzərəçarpacaq dərəcədə azaldılır. Aİ-yə gətirilən mallara qoyulmuş müəyyən ixrac rüsumları mövcuddur. GSP xüsusən kənd təsərrüfatı məhsulları və Aİ ölkələrində güzəştli şərtlərlə istehsal olunmayan malları əhatə edir. Güzəştli şərtlər üçüncü dünya ölkələrinn bu malları ixrac etməsi üçün yaradılır.
GSP əsasən parça, kənd təsərrüfatı məhsulları, xüsusilə də fındığın ixracı zamanı istifadə olunur. Lakin Azərbaycan hələ ki bu sistemdən istifadə üzrə demək olar ki, sonuncu yerlərdə durur.
Müəlliflə əlaqə saxlamaq üçün elektron ünvan: [email protected]
