Azərbaycan, Bakı, 10 iyun/ Trend Cap , müxbir İ.Xəlilova/ Azərbaycanın İxrac və İnvestisiyaların Təşviqi Fondu (AZPROMO) "Azneftkimyamaş" ASC ilə agent sazişi bağlayıb və Qərbi Qazaxıstanda neft-kimya müəssisəsinin maraqlarını təmsil etmək hüququ alıb. Bu barədə çərşənbə axşamı AZPROMO-nun prezidenti Emil Məcidov məlumat verib. Hazırda AZPROMO-nun nümayəndəsi neft-qaz avadanlığının tədarükü və bu sahədə qazax müəssisələrinə xidmət göstərilməsinə dair danışıqlar aparmaq üçün Qazaxıstana yola düşüb.
Azərbaycanın müəssisəsi ötən il "Azneftkimyamaş" və Qazaıxstanın "Kazpetromaş" müəssisəsi, "Kazneftqazmaş" SC və "Sewon - Vertex Heavy Industry" arasında imzalanan memorandumlar əsasında əvvəllər birbaşa olaraq kommersiya danışıqları aparırdı. Lakin qiymət məsələsinə görə bu danışıqlar nəticəsiz olub.
"Qazaxıstan müəssisələrinin marağını nəzərə alaraq, biz danışıqların "Azneftkimyamaş"ın adından aparılmasına dair hüququ alaraq danışıqları bərpa etdik", - Məcidov qeyd edib.
Memoranduma əsasən, gələcəkdə neft-qaz sənayesi avadanlığının birgə istehsalının təşkili üzrə birgə müəssisələrin yaradılması planlaşdırılır. Azərbaycan və Qazaxıstan şirkətləri gələcək layihələri birlikdə müəyyən edəcək və bazarın öyrənilməsi əsasında tikinti xidmətləri, dalğıc işləri və mancanaq dəzgahlarının istehsalı üzrə birgə müəssisələr təşkil edəcəklər.
Müəlliflə əlaqə saxlamaq üçün elektron ünvan: cap
