Azərbaycan, Bakı, 10 iyun/ Trend , müxbir İ.Xəlilova/ Azərbaycanın İxrac və İnvestisiyaların Təşviqi Fondu (AZPROMO) Rusiyanın Cənub Federal Dairəsində nümayəndəliyin açılması prosesini özü yubadır. Bu barədə çərşənbə axşamı AZPROMO-nun prezidenti Emil Məcidov məlumat verib.
"Biz özümüz bu prosesi yubatmışıq və sentyabrda vəziyyətlə tanış olmaq üçün yenidən Soçiyə getmək niyyətindəyk, - Məcidov qeyd edib. Bu gün Soçidə torpaq sahələri ilə bağlı əməliyyatlara qadağa qoyulub".
Fond bununla əlaqədar daha iki variantı - Krasnodar, ya da Rostovu nəzərdən keçirir. Onun rəyinə görə, RF-nin Cənub Federal Dairəsində nümayəndəliyin açılması Azərbaycan şirkətlərinin Rusiyaya marağının ölçüsündən asılı olacaq.
"Ən azı üç-dörd yerli şirkət ofislərin açılmasına maraq göstərməlidir. Bu, ofislərin açılmasını AZPROMO-nun ofisi vasitəsilə mərkəzləşdirilmiş qaydada təşkil etməyə imkan verəcək, - Məcidov söyləyib. Beləliklə, yerli şirkətlər qənaət edəcək, digər tərəfdən isə dəstək alacaqlar".
Bu gün Azərbaycan şirkətləri layihə axtarışında deyillər. Lakin onlar hələ ki mexanizmləri müəyyən edirlər və bu gün yüksək risklər olduğu üçün gözləmək istəyirlər.
"Rusiyanın Cənub Dairəsi azərbaycanlı ixracatçıların yaxında yerləşən regionla bağlı ambissiyaları ilə əlaqədardır, - fond rəhbəri qeyd edib. Biz hələ ki, Azərbaycanla qonşu ölkələrin potensialından istifadə etmirik, lakin əgər kütləvi layihələrdə uğur əldə etmək istəyiriksə, bu şəbəkənin inkişafından başlamaq lazımdır".
AZPROMO-nun ilk nümayəndəliyi 2007-ci ildə Qərbi Qazaxıstnada (Aktau) açılıb. Lakin Məcidovun sözlərinə görə, bu il Gürcüstan və Türkmənistandakı vəziyyəti öyrənmək planlaşdırılır.
Müəlliflə əlaqə saxlamaq üçün elektron ünvan: [email protected]