Azərbaycan, Bakı, 27 iyun/ Trend Cap / Azərbaycanın böyük lizinq şirkəti olan "Parex Leasing & Factoring"in yanvar-may ayları üçün portfeli 44,5 milyon dollar təşkil edib ki, bu da 2007-ci ilin yanvar-may ayı ilə müqayisədə 73% (25,7 milyon dol.) çoxdur, - cümə günü şirkətdən bildiriblər.
Şirkətdən verilən məlumata görə, bu müddət ərzində "Parex Leasing & Factoring" 120 yeni müqaviə bağlayıb və buna uyğun olaraq 11,13 milyon dollar dəyərində 131 obyekt lizinqə verilib.
Şirkətin portfelinin iqtisadiyyat sektorları üzrə bölüşdürülməsi: daşınmaz əmlak - 12%, minik avtomobilləri - 15%, avadanlıq - 12%, yük avtomobilləri - 20%, xüsusi texnika - 41%
"2008-ci ilin ikinci yarımilliyində "Parex Leasing & Factoring" şirkəti öz fəaliyyətini həm paytaxtda, həm də ölkənin regionlarında xeyli aktivləşdirmək niyyətindədir", - şirkətdən bildiriblər.
"Parex Leasing & Factoring"100% Latviya kapitallı şirkətdir.
