Azərbaycan, Bakı, 30 iyun / Trend , müxbir İ.Xəlilova/ Çexiya Respublikasının xarici işlər naziri Karel Şvartsenberqin Zaqafqaziya ölkələrinə turnesi çərçivəsində, iyulun 4 -də Bakıda Azərbaycan - Çexiya biznes-forumu keçiriləcək. Bu barədə bazar ertəsi Azərbaycanın İxracın və İnvestisiyaların Təşviqi Fondundan (AZPROMO) bildiriblər. [Çexiyalı nazirin turnesi iyulun 1-dən 7-dək davam edəcək]
Bu, Azərbaycan və Çexiya işgüzar adamlarının ilk görüşü olacaq, buna görə, onlar arasında müqavilələrin imzalanması biznes-forumdan sonra məlum olacaq. Çexiya nümayəndə heyətində turizm, tikinti, mühəndislik, energetika (su- elektrik enerjisi və s.), maliyyə sektoru (Çexiya "Eksimbank"ı, Çexiya-Slavyan Bankı) sahlərində ixtisaslaşan şirkətlərin nümayəndələri təmsil olunacaq.
Biznes-forumda iştirak etmək istəyən Azərbaycan şirkətlərinin siyahıysı hələ formalaşdırılır, lakin artıq 20 şirkət tərəfindən forumda iştiraka maraq göstərilib.
Cari ilin birinci rübünün yekunu üzrə Azərbaycan ilə Çexiya arasında xarici ticarət dövriyyəsi 6 686,4 min dollar təşkil edib. Bununla yanaşı, idxal əməliyyatlarının payına 6 684,9 min dollar düşüb. Azərbaycan ixracının payı isə 1,5 min dollar təşkil edib.
İyunun 30-na olan rəsmi məzənnə 0,8116 AZN/USD təşkil edir.
Məqalə müəllifi ilə əlaqə ünvanı: [email protected]
