Azərbaycan, Bakı, 30 iyul / Trend , müxbir U.İsmayılova/ Azərbaycanda pensiyaçı hərbi qulluqçular və xüsusi rütbəyə malik şəxslər avqustun 1-dən etibarən pensiyanı yalnız plastik kart vasitəsilə alacaqlar. Bu barədə rəsmi mətbuatda məlumat verilib.
Bunun üçün pensiyaçılar keçmiş hərbi qulluqçular və xüsusi rütbəyə malik şəxslərin işləri üzrə yerli departamentlərə şəxsən müraciət etməlidirlər.
Departamentə müraciətdən sonra pensiyaçılar xəstələndiyi halda, kartlar evlərə göndəriləcək.
Azərbaycan Dövlət Statistika Komitəsinin məlumatına görə, ölkədə rəsmi olaraq 1,5 milyon nəfərdən çox pensiyaçı qeydiyyatdadır.
Məqalə müəllifi ilə əlaqə ünvanı: [email protected]