Azərbaycan, Bakı, 06 avqust/ Trend müxbir İ.Xəlilova/ 2008 - ci ilin birinci yarısı üzrə Azərbaycanda icmal büdcənin profisiti 4,114 mlrd. manat təşkil edib. Bu barədə maliyyə naziri Samir Şərifov Nazirlər Kabinetinin 2008 - ci ilin I yarısında sosial-iqtisadi inkişafın yekunlarına həsr olunmuş prezident İlham Əliyevin sədrliyi ilə keçən iclasında məlumat verib.
Ümumi büdcənin gəlirləri 8,707 mlrd. manat, xərcləri isə - 4,593 mlrd. manat təşkil edib. Şərifovun sözlərinə görə, yanvar-iyunda dövlət büdcəsinin gəlirləri 111,3 faiz yerinə yetirilərək 4,810 mlrd. manat, xərcləri isə 88,9 faiz yerinə yetirilərək 4,095 mlrd. manat həyata keçirilib.
Dəqiqləşdirilmiş proqnozlara əsasən, 2008 - ci ildə icmal büdcənin gəlirləri 17,465 mlrd. manatadək təsdiq olunmuş məlumatlara münasibətdə 66,4 faiz, xərcləri isə 25,3 faiz - 12,744 mlrd. manatadək artacaq.
İcmal büdcə dövlət büdcəsi, Dövlət Neft Fondu, əhalinin Dövlət Sosial Müdafiə Fondunun büdcələri hesabına formalaşdırılır.
"İcmal və dövlət büdcələrinin göstəricilərinin artması iqtisadiyyatın bütün sahələrində dinamik inkişafın nəticəsidir", - nazir bildirib.
Onun rəyinə görə, fiskal siyasətin həyata keçirilməsi iqtisadiyyatın inkişafında vacib rol oynayıb. Bunun nəticəsində, ötən beş ildə qeyri-neft sektoru üzrə büdcə gəlirləri 5,3 dəfə çoxalıb, onun ÜDM - də xüsusi çəkisi 11 faiz - 18,7 faizədək, vergi ödəyicilərinin sayı iki dəfə - 184 minədək, onların ticarət dövriyyəsi isə 4,7 dəfə - 16 mlrd. manatadək artıb.
Beş il ərzində mənfəət vergisi dərəcəsi 27 faizdən 22 faizə endirilib, maliyyə lizinqi üzrə əməliyyatlara güzəştlər tətbiq edilib, kənd təsərrüfatı istehsalçıları üçün, əhalinin banklarıdakı əmanətləri, həmçinin, dividendlər və qiymətli investisiya kağızları üzrə vergi güzəştləri uzadılıb.
Cari mübadilə məzənnəsi -- 0,8093 AZN/USD.
Müəlliflə əlaqə saxlamaq üçün elektron ünvan - [email protected]
