Azərbaycan, Bakı, 20 avqust/ Trend , müxbir İ.Xəlilova/ Azerdemiryolbank iki həftə ərzində Avropa Yenidənqurma və İnkişaf Bankının (AYİB) $14 mln. mln. məbləğində kredit xəttinin mənimsənilməsini başa çatdırır. Kredit Azərbaycan bankına 2008 - ci ilin mayında verilib. Bu barədə Bankın İdarə Heyətinin sədri Roman Əmircanov məlumat verib.
Bu xətdən $4 mln. kiçik və orta müəssisələrin, $10 mln. isə kiçik və orta müəssisələrin təkrar kreditləşməsinə ayrılması nəzərdə tutulub. Hazırda qalan $4 mln. mənimsənilir və bu vəsait üçün layihələr artıq hazırlanıb və müzakirəyə təqdim edilib. Azerdemiryolbank-ın maliyyələşdirilməsi üzrə Avropa bankının portfeli $37-38 mln.-a çatır.
Beynəlxalq Maliyyə Korporasiyasının $5 mln. məbləğdə kredit xətti nəzərə alınmaqla, bankın cəlb etdiyi vəsaitləri ümumi həcmi 90 mln. manatı ötür. Yaxın iki ayda BMK ilə daha $10 mln. vəsaitin ayrılması barədə müqavilə imzalanacaq.
Hazırda Azerdemiryolbank-ın aktivləri 210 mln. manat, məcmu kapitalı isə 34 mln. manat çatır, o cümlədən 13,4 mln. manat Nizamnamə kapitalının payına düşür. Cari ildə bankın Nizamnamə kapitalının artırılmasına dair planları yoxdur, lakin məcmu kapitalı 40 mln. manatı ötəcək.
"Azerdemiryolbank" ASC 1989 - cu il oktyabrın 6 - da, Azdəmiryolbank KB kimi fəaliyyətə başlayıb. Son 18 il ərzində "Azerdemiryolbank" inkişaf edib və Azərbaycanın bank bazarındakı mövqelərini daha da möhkəmləndirib. Bu gün "Azerdemiryolbank" ASC ölkənin iri banklarının beşliyinə daxildir və paytaxt və regionları əhatə edən 30 filial və şöbəyə malikdir.
Avqustun 20-nə olan rəsmi məzənnə -- 0,8138 AZN/USD.
Müəlliflə əlaqə saxlamaq üçün elektron ünvan: [email protected]