Azərbaycan, Bakı, 27 avqust/ Trend , müxbir İ.Xəlilova/ Azərbaycanın bank sistemində artım templərinin azalması ölkənin fond bazarının fəaliyyətinə təsir göstərir ki, bu da 2008 - ci ilin yekunları üzrə Bakı Fond Birjasında (BFB) birja sazişləri dövriyyəsini 10 mlrd. manata çatdırmaq imkanlarını azaldır,- BFB İdarə Heyətinin sədri Xəyal Abdinov çərşənbə günü bildirib.
[İlin əvvəlində Azərbaycan Milli Bankı, bazardakı vəziyyətin bütün elementlərini nəzərə almaqla, bankları ehtiyatlı siyasət aparmağa çağırıb. O, bankları aktiv və əməliyyatların həcminin artırılmasınadək institusional platforma yaratmağa çağırıb. Bu gün Azərbaycan bankları, orta hesabla, 150-200 mln. manat həcmində aktivləri idarə edir və müvafiq olaraq, onların risk-menecmenti, kapitalın adekvatlılığı, korporativ idarəetmə sistemi ən yüksək standartlara cavab verməlidir, - AMB hesab edir].
"Hazırki vəziyyətlə əlaqədar, birja sazişlərinin həcmini proqnozlaşdırmaq çətin olsa da, ümid edirik ki, sentyabrdan birjada əməliyyatların canlanması nəticəsində, onları ilin sonunadək 8 mlrd. manata çatdırmaq mümükün olacaq", - Abdinov bildirib.
2007- ci idlə BFB - də bütün alətlər üzrə birja sazişlərinin ümumi dövriyyəsi 5 483,762 mln. manat olub və bu 2006 - cı il ərzində əməliyyatların həcmindən 394,94 faiz çoxdur. 2008 - ci il avqustun 1-nə birja dövriyyəsi 4995,209 mln. manat təşkil edib ki, bu da 2007-ci ilin müvafiq dövrünün göstəricisindən 243,39 faiz çoxdur.
Birja rəhbəri proqnozlara düzəlişlər edilməsinə zərurət görmür. Proqnozlara əsasən, ilin yekunları üzrə birjanın mənfəətinin 1 mln. manatı ötəcəyi gözlənilirdi. Lakin fond bazarında hazırki sakitlik birjanın gəlirlərinə təsir göstərəcək, - o hesab edir. Ötən illə müqayisədə birja əməliyyatlarının artmasına baxmayaraq, xərc bəndlərinin genişlənməsi ilə əlaqədar mənfəət proqnozu, demək olar ki, əvvəlki səviyyədə proqnozlaşdırılıb.
"Birjanın səhmdarları fond bazarının inkişafına xərcləri artırmaq qərarına gəliblər", - Abdinov bildirib.
Bununla yanaşı, hələlik birja kapitalının (Birjanın Nizamnamə kapitalı 1,140 mln. manat səviyyəsində formalaşdırılıb) artırılması barədə planlar yoxdur.
Fond indekslərinin yaradılması, ticarət sisteminin yenilənməsi, Azərbaycanın qiymətli kağızlar bazarına emitent və əcnəbi sərmayədarların cəlb edilməsi cari ildə birjanın əsas iş aspektləri sırasına daxildir. Bu gün Amerika, ingilis, Rusiya səhmdarları ölkənin fond bazarında təmsil olunurlar. Onlar yalnız korporativ istiqrazlar və səhmlərə deyil, dövlət qiymətli kağızlarına da kapital yatırırlar.
"Lakin cari ildə bu istiqamətdə iş gücləndiriləcək və ilin sonuna sərmayədar dairələr BFB-nin imkanları ilə tanış olmaq üçün birjaya baş çəkəcəklər", - Abdinov bildirib. Biz onları Azərbaycanın fond bazarına cəlb etmək istəyirik".
Avqustun 27-nə olan cari məzənnə -- 0,8137 AZN/USD.
Müəlliflə əlaqə saxlamaq üçün elektron ünvan: [email protected]
