Azərbaycan, Bakı, 13 oktyabr/ Trend / 2008 ї 2011 - ci illərdə yeni dəmir yolunun inkişafı Proqramı çərçivəsində görüləcək işlər yolların gündəlik ötürmə qabiliyyətini iki dəfə artırmağa imkan verəcək, - Azərbaycan Dövlət Dəmir Yolunun (ADDY) rəhbəri Arif Əsgərov bildirib.
Yük qatarları üzrə gündəlik ötürmə qabiliyyətinin 20 - dən 40 - a, sərnişin qatarları üzrə isə, 8 - dən 15 - dək artacağı proqnozlaşdırır. Daşınmalardan əldə edilən gəlir 60 mln. manatadək artacaq. Yolların yenidən qurulmasından sonra lokomitvlərə çəkilən xərclər 2,5 mln. manat azalacaq, elektrik enerjisinə qənaətin məbləği isə, təxminən 15,2 mln. manat olacaq.
Yeni Proqramın realizəsində 2 mlrd. manat sərf etmək planlaşdırılır. Bu vəsaitlərin böyük hissəsi Bakı - Böyükkəsikї dəmir yolu sahəsində yolların daimi cərəyandan dəyişən cərəyana keçməsinə, dəyişən cərəyan sistemində işləyən 50 yeni lokomotivin alınmasına, 550 km uzunluğunda başlıca dəmir yollarının təmirinə, siqnal sistemi və rabitə sisteminin yeni texnologiyalara müvafiq yeniləşdirilməsinə və hərəkətin təhlükəsizliyini təmin edəcək digər işlərə sərf ediləcək. Bakı - Böyükkəsik sahəsində görülən işlər nəticəsində qatarların orta hərəkət sürəti 60 km/saatdan 100 km/saatadək artacaq.
Növbəti 25 il ərzində їŞimal - Cənubї dəmir yolu dəhlizi üzrə optimal lokomotiv parkından istifadə 232 mln. manata qənaət etməyə imkan verəcək.
Dövlət Proqramı çərçivəsində, dəmir yolunun mülkiyyət formaları və onun idarəetmə strukturunun yenidən təşkili, mühasibat və maliyyə sisteminin xeyli təkmilləşdirilməsi, istismar infrastrukturunun yenidən qurulması nəzərdə tutulub.
Proqramın realizəsi 2012 - ci ildə dəmir yolunun gəlirlərinin həcmini $297 mln.- dək artırmağa imkan verəcək ki, bu da 2007 - ci ilin göstəricisindən $190 mln. çoxdur.