Azərbaycan, Bakı, 23 oktyabr/ Trend , müxbir İ.Xəlilova/ "Dünya maliyyə böhranı şəraitində MDB-nin maliyyə-bank bazarının yaradılması ən aktual məsələdir", - MDB Maliyyə-Bank Şurasının sədri Anatoli Kazakov cümə axşamı Bakıda bildirib. O, Rusiya, Azərbaycan və Qazaxıstanda regional mərkəzlərlə yaradıla bilər.
"Bu o qədər də sürətli proses deyil - maliyyə mərkəzlərinin yaradılmasına 10-15 il tələb olunur ; müvafiq infrastrukturun, telekommunikasiyaların, kapital axınını stimullaşdırmaq üçün güzəştli zonanın yaradılması lazımdır, - Kazakov bildirib. - Lakin Bakı regional maliyyə mərkəzinin qurulmasına iddiaçılardan biridir".
Onun rəyinə görə, ölkədə 2007-ci ilin yekunlarına görə 25 faiz təşkil edən böyük iqtisadi artım templəri buna dəlalət edir. Azərbaycanda bank aktivlərinin illik artımı isə,35 faiz səviyyəsində qeydə alınıb.
"Bu, kapitalın görünməmiş artım göstəricisidir və aktivlərin artımının bankların kapitallaşmasından geri qalmadığı vaxtda, bank sisteminin kifayət qədər mühafizəkar ciddi inkişaf siyasətidir", - Kazakov bildirib.
Rusiya prezidenti Dmitri Medvedyev artıq Moskvada beynəlxalq mərkəzin yaradılmasına dair sərəncam verib. Mərkəzin yaradılmasını 2020-ci ilə başa çatdırmaq planlaşdırılır. MDB-nin Maliyyə - Bank Mərkəzini isə, 2017-ci ilədək yaratmaq nəzərdə tutulur.
"Bu o demək deyil ki, ölkələr dünya bazarlarına inteqrasiya etməməlidirlər. Lakin bu böyük xərc tələb edir və dünya böhranı ilə bağlı son hadisələr etibarsızlığı göstərdiyi üçün, MDB çərçivəsində bazara getmək lazımdır", - Koordinasiya Şurasının rəhbəri bildirib.
"Hələ böhranadək biz MDB banklarının qonşu bazarlara çıxmasına böyük tələbat olduğunu hiss etdik, - MDB- nin Maliyyə - Bank Şurasının Baş direktoru Pavel Nefidov bildirb, - Artıq o zaman aydın olub ki, Birliyin bankları - ən azı onların ən iriləri dünya bazarlarına çıxarkən kifayət qədər sərt, heç də həmişə düzgün olmayan rəqabətlə qarşılaşıblar və nəticədə, bankların qonşu dövlətlərə artmış marağı tamamilə bəlli olub".
Onun sözlərinə görə, artıq o zaman MDB banklarının digər ölkələrin bazarlarına çıxışı üzrə kifayət qədər çox sayda sazişin bağlandığı müşahidə edilib. Məsələn, Rusiya bankları Qazaxıstanda, qazax bankları Rusiyada öz törəmə banklarını açır, Ukraynada kifayət sayda bank alınırdı.
"Bu birinci yaxşı trend olub və biz anlayırdıq ki, kapitalın ölkələr arasında qarşılıqlı mübadiləsinə daha çox kömək etmək lazımdır", - Nefidov bildirib.
Müəlliflə əlaqə saxlamaq üçün elektron ünvan: [email protected]
