Azərbaycan, Bakı, 27 oktyabr/ Trend , müxbir Ü.İsmayılova/ Bu gün Azərbaycanın sığorta şirkətlərinin kapitallaşması kifayət səviyyədədir və kapitallaşdırmaya yönələn gəlirin bir hissəsinin vergidən azad edilməsi sığorta şirkətlərinin fəaliyyətinə müsbət təsir göstərəcək", - Pasa Sigorta şirkətinin Baş direktoru Nofəl Rzayev hesab edir.
"Bu gün Azərbaycanda liderlik edən oyunçular arasında Nizamnamə kapitalının ən yüksək plankası 10 mln. manat səviyyəsində müəyyən edilib. Avropa ekspertlərinin hesablamalarına görə isə, sığorta edənlərin normal fəaliyyət göstərmələri üçün şirkətlərin kapitallaşması 30-40 mln. manat səviyyəsində olmalıdır", - Rzayev bazar ertəsi bildirib.
Onun sözlərinə görə, Azərbaycanın sığorta şirkətlərinin normal sığorta fəaliyyəti aparmaları və bu gün olduğu kimi, tez-tez təkrarsığorta bazarına çıxmadan iri risklərin sığortası üçün 20-25 mln. manat səviyyəsində minimal Nizamnamə kapitalı tələb olunur.
"Bu,hökumət tərəfdən həyata keçiriləcək və Azərbaycanın sığorta bazarının inkişafına xidmət edəcək zəruri tədbirdir", - Rzayev bildirib.
Ötən həftə iqtisadi siyasət üzrə parlament komissiyası 2009-cu il yanvarın 1-dən Azərbaycanın bank, sığorta və təkrarsığorta şirkətlərinin kapitallaşdırmanın artırılmasına yönələn mənfəətlərinin vergidən azad edilməsi haqqında təklifi müzakirə edib. Qanun layihəsinin qəbulunda əsas məqsəd maliyyə sahəsinin inkişaf templərinin sürətlənməsi, bank və sığorta sektorunda xidmətlərin keyfiyyətinin artırılması, şirkətlərin kapitallaşmasının artırılmasının stimullaşdırılmasından ibarətdir.
Ölkədə mənfəət vergisi 22 faiz təşkil edir. Azərbaycanda 45 bank, 28 sığorta və 1 təkrarsığorta şirkəti var. Azərbaycan Maliyyə Nazirliyinin məlumatlarına əsasən, yanvar-sentyabrda şirkətlər 148,7 mln. manat sığorta haqqı toplayıb, 40,4 mln. manat ödəniş həyata keçiriblər.
Maliyyə Nazirliyinin təsdiqlədiyi Nizamnamə kapitalı üzrə tələblərə əsasən, 2009-cu il yanvarın 1-dən Azərbaycanın sığorta şirkətlərinin kapitallaşma səviyyəsi 1 mln. manat, təkrarsığorta şirkətləri üçün 2 mln. manat olmalıdır.
Pasa Sigorta ölkənin sığorta bazarında 2006-cı ildə fəaliyyətə başlayıb. 2007-ci ildə şirkət Moody International agentliyi tərəfindən beynəlxalq sığorta məhsul və xidmətlərinin keyfiyyətinin idarə edilməsi standartı ISO 9001:2000 üzrə sertifikatlaşdırılıb. Cari ilin yanvar-sentyabrının yekunlarına əsasən, Pasa Sigorta 6,56 mln. manat sığorta haqqı toplayıb, 4,98 mln. manat ödəniş həyata keçirib.
Müəlliflə əlaqə saxlamaq üçün elektron ünvan: [email protected]